إبليس و المرأة
كان يا ما كان في قديم الزمان، كان فيه أمراة عجوز قاعدة لحالها و فجأة طلعلها ابليس. العجوز خافت و سمت بالرحمن
قالها ابليس :أنتي يا عجوز هل تعتبرين نفسك داهية؟
العجوز: نعم أنا داهية و النساء عموما كيدهم عظيم
أبليس: أنا أتحداك و بنشوف مين كيده أعظم، المرأة لو أبليس
العجوز :خلاص أنا بسوي مشكلة و أنت راح تحلها و اذا ما قدرت أنا راح أحلها و راح أفوز برهان
أبليس: OK
راحت العجوز لواحد من هالبطالية اللي ما عندهم شغل و ما اكثرهم و قالت أنا بشغلك عندي فترة معينه بس اذا بدك فلوس لا تتدخل و لا تتكلم.
وافق الشاب لأنه طفش من البطالة و بدو فلوس
راحت العجوز و معاها الشاب لمحل قماش و قالت له أنتظرني عند باب المحل، دخلت المحل و اخذت قماش غالي و راحت تفاصل تاجر القماش
العجوز: رخص يا ابن الحلال
التاجر: اذا أنتي ما عندك فلوس خذي شيء أرخص
العجوز : ما أقدر لازم ولا يصير شيء ما صار
التاجر: ليش؟.. لهالدرجة.. شو القصة؟
العجوز: شفت الشاب اللي واقف عند باب المحل.. هذا ولدي يحب وحدة متزوجة و هي تحبه و لما تتطلق من زوجها ولدي رح يتزوجها و هو قالي أن عارضتي الزواج رح أطردك من البيت و أمرني أني أشتري قماش غالي عشان يعطيها لحبيبته ولا راح يطردني من البيت مع أن البيت بالأساس بيتي و لكني غلطت و كتبته بأسمه (لعجوز تبكي)
التاجر: خلاص هونيها و تهون و الله كسرتي خاطري.. خلاص أنا رح أعطيك القماش
ببلاش.. و عسى الله يأجرني
العجوز طلعت مبسوطة و حكت للشب روح البيت
بعدها راحت العجوز لبيت زوجة تاجر القماش و دقت الباب و طلعت الزوجة
العجوز: آه بابنيتي أنا تعبت بالطريق و ما أقدر أكمل ممكن أقعد عندك أرتاح 5 دقايق
رحبت الزوجة و دخلتها و أكرمتها و جابتلها شاي
العجوز: شكرا ان شاءالله أردها لك (تعمدت تنسى القماش) و طلعت.
الزوجة: حرام نست قطعة القماش أكيد رح ترجع بعد شوي و تاخذها.. و حطتها بالخزانة
تاجر القماش رجع لبيته و تغدى غدا صح و راح كوع (نام).
قام العصر و فتح الخزانة عشان يغير أواعيه… مفاجأة قطعة القماش و عرف أن المرأة اللي بدو اياها ابن العجوز هي زوجته يعني تخونه قام عليها و ضربها و طردها بالشارع بالأواعي اللي عليها.
العجوز كانت تنتظر هاللحظة في أخر الشارع فراحت لها تركض
العجوز: مالك يا بنتيليش تبكي؟
الزوجه: زوجي طردني و ما عطاني فرصه أتكلم
العجوز: خلاص أنا بوديكي على بيتي و أنا بروح أحل المشكلة
راحت العجوز لبيتها و دخلت الزوجة في غرفة بينما الشاب كان في غرفة ثانية و أمرته أنه ما يطلع منها
راحت العجوز للشرطة تبكي و تقول: كنت قاعدة في بيتي و فجأة دخل رجل و معه مرأة و قعدوا ببيتي حاولت أطلعهم ما قدرت.. أحتلوا بيتي
ذهبت الشرطة و قبضت على الشاب و الزوجة و حطوهم بالسجن.
العجوز: ها ها شو رايك يا أبليس؟ دورك هلأ حل المشكلة
أبليس: لا لا ما أقدر أحلها القصة صعبت كتير
العجوز: أنا راح أحلها و كأن شيء لم يكن . و راح أربح الرهان
راحت العجوز تزور الزوجة بالسجن و قالت لها: أنتي ساعدتيني مرة و أنا هلأ رح أساعدك.. يلا ألبسي عباتي و غطي حالك و أطلعي من السجن كأنك أنا و أنا بأقعد مكانك.
الزوجة: شكرا….بس أنتي؟
العجوز: مالك دخل مثل ما طلعتك بطلع نفسي.
تمت عملية الهروب بنجاح….
الوالي أمر الحراس ان يحضروا المسجونين عشان يحكم عليهم
حضرت العجوز و الشاب و قال لهم الوالي: ليش قابضين عليكم شو مسوين؟
ردت العجوز: احنا ما سوينا شيء كنا قاعدين ببيتنا أنا و ولدي ولا الشرطة طابة علينا و ماخذينا السجن .
عصب الوالي و هزأ الشرطة وما عطاهم فرصه يحكو و يقول: غلطانين و بدكم تحكو. و الله عينكم قوية
طلعت العجوز من الوالي فرحانة و اعطت الشاب فلوس و أنهت خدمته عندها.
راحت العجوز لتاجر القماش و قالت له أنها تعبت بالطريق و أن زوجته أصيلة و أكرمتها و هي من من كثر التعب نست القماش عندها و أن زوجته بريئة و قالت خذ قماشتك لأن ولدي سافر هو و زوجته الجديدة.
رجع التاجر زوجته و تأسف منها و راضاها كمان
العجوز: شو رايك يا أبليس أنا حليت قصة سهلة
ابليس: أشهد أن لا اله الا الله و أن محمد رسول الله!!
--
